| lyric | 1. Marsch! la baionetta segls schluppets,
segls rampars èn pronts igls noss canungs!
igls schluppets triolan scu cornets,
igls canungs, chels fon da bumbardungs!
2. Ot sculatscha la bandier’ agl vent,
fis d’allarm flommegian sen igls ots.
Gliunsch orcans scadagnan vehement:
blots igls gôts, segls êrs adraders rots!
3. Gheras sanguinousas fon stramblar,
sot igls peis er noss sulom patern.
Segls cunfegns, scu ord rabgiousa mar,
sconflan, stomplan ondas d’sanc fratern!
4. Nossa santinella stat, scu term,
nossa pizza tschessa betg schi tgunsch!
L’onda rompa! Cler en clom e ferm:
„Hal! Anfignan cò e betg pi gliunsch!“ |